زەبوورەکان 125 - پەیمانی نوێ و زەبوورەکان بە سۆرانیپهسنیی كه‌ژاوه‌كان. 1 ئه‌وانه‌ی پشتیان به په‌روه‌ردگار به‌ستووه وه‌ک كێوی سیهیۆن وان. كه ناله‌قێت، به‌ڵكو تاهه‌تایه هه‌ر نیشته‌جێیه. 2 وه‌ک چۆن چیاكان ده‌وری یروشلایمیان داوه، په‌روه‌ردگاریش ده‌وری گه‌لی خۆی داوه له ئێستاوه و تاهه‌تایه. 3 چونكه گۆچانی خراپه‌كاران له‌سه‌ر میراتی خوداناسان جێگیر نابێت، بۆ ئه‌وه‌ی خوداناسان ده‌ستیان درێژ نه‌كه‌ن بۆ خراپه‌كاری. 4 ئه‌ی په‌روه‌ردگار، چاكه بكه له‌گه‌ڵ پیاوچاكان، له‌گه‌ڵ دڵڕاسته‌كان. 5 به‌ڵام ئه‌وانه‌ی باده‌ده‌نه‌وه و ڕێگای چه‌وت ده‌گرن. په‌روه‌ردگار له‌گه‌ڵ به‌دكاران ده‌یانبات. ئاشتی بۆ ئیسڕائیل. |