زەبوورەکان 121 - پەیمانی نوێ و زەبوورەکان بە سۆرانیپهسنیی كه‌ژاوه‌كان. 1 چاو به‌ره‌و چیاكان هه‌ڵده‌بڕم، كه یارمه‌تیم له‌وێوه دێت! 2 یارمه‌تی من له لای په‌روه‌ردگاره‌وه‌یه، دروستكاری ئاسمانان و زه‌وی. 3 لێ ناگه‌ڕێت پێت بخزێت. ئه‌وه‌ی ده‌تپارێزێت خه‌واڵوو نابێت. 4 ئه‌وه‌ی ئیسڕائیل ده‌پارێزێت، خه‌واڵوو نابێت و نانوێت. 5 په‌روه‌ردگار پارێزگاری تۆیه، په‌روه‌ردگار سێبه‌ری تۆیه، له ده‌سته ڕاستت. 6 نه خۆر به ڕۆژ لێت ده‌دات، نه مانگ به شه‌و. 7 په‌روه‌ردگار له هه‌موو خراپه‌یه‌ک ده‌تپارێزێت. گیانت ده‌پارێزێت. 8 په‌روه‌ردگار پارێزگاری هاتووچۆت ده‌كات، له ئێستاوه و تاهه‌تایه. |