زەبوورەکان 111 - پەیمانی نوێ و زەبوورەکان بە سۆرانی1 هه‌لیلویا. به هه‌موو دڵه‌وه سوپاسی په‌روه‌ردگار ده‌كه‌م، له كۆڕی سه‌رڕاستان و له كۆبوونه‌وه‌كان. 2 كرده‌وه‌كانی په‌روه‌ردگار مه‌زنن. هه‌موو ئه‌وانه‌ی لێی ورد ده‌بنه‌وه خۆشی لێ ده‌بینن. 3 به‌رز و شكۆمه‌نده كرده‌وه‌كانی، دادپه‌روه‌رییه‌كه‌شی تاهه‌تایه ده‌مێنێت. 4 وایكردووه كاره سه‌رسوڕهێنه‌ره‌كانی یاد بكرێنه‌وه. په‌روه‌ردگار به‌سۆز ومیهره‌بانه. 5 خواردن ده‌داته ئه‌وانه‌ی لێی ده‌ترسن. هه‌میشه په‌یمانی خۆیی له‌بیره. 6 هێزی كرده‌وه‌كانی خۆی نیشانی گه‌له‌كه‌ی داوه، به‌وه‌ی كه میراتی نه‌ته‌وه‌كانی پێداون. 7 كرده‌وه‌كانی ده‌ستی سه‌رڕاستی و ڕه‌وایه. هه‌موو ڕاسپارده‌كانی جێی متمانه‌ن. 8 تاهه‌تایه جێگیرن، به ڕه‌وا و ڕاسته‌ڕێ دروست كراون. 9 كڕینه‌وه‌ی بۆ گه‌لی خۆی نارد. فه‌رمانی تاهه‌تایی بۆ په‌یمانه‌كه‌ی داوه. پارسا و سامناكه ناوی. 10 سه‌ری دانایی ترسی په‌روه‌ردگاره. تێگه‌یشتنێكی باشه بۆ هه‌موو ئه‌وانه‌ی كاری پێده‌كه‌ن. ستایشه‌كه‌ی تاهه‌تایه ماوه. |