1 YOHANES 1 - Rengah Jian

Ateng Ha' éh mena' Urip

¹ La'ah pu'un mé' maneu' surat iteu' ngan keh uban mé' juk bara' tong Ateng Ha' éh mena' urip, inah éh Ateng Ha' éh lepah pu'un jin bu'un-bu'un sahau. Améé' lepah menéng éh, ngan maten mé' tengéé' lepah na'at éh. Améé lepah na'at éh ngan améé' lepah ngamit éh palaa' ojoo mé'.

² Urip inah lepah poléng tenéh, pu'un mé' na'at éh, inah ke' mé' bara' tong néh. Améé bara' ngan Keh tong urip éh pelinguh éh pu'un pemung ngan Tamen, ngan éh lepah pepoléng Néh ngan améé'.

³ Améé péh bara' ngan Keh tong éh ta'an ngan nenéng mé' dokoo' ka'ah pekua' kenin ngan améé' lem urip mé' éh pu'un pemung ngan Tamen ngan Anak Néh Yésus Kristus.

⁴ Améé' nyurat éh kenat dokoo' mé' pesukup kemurung mé'.

Allah Iah éh rema

⁵ La'ah iteu', néh rengah éh lepah nenéng mé' jin Anak Néh ngan éh benara' mé' ngan keh: Allah Iah éh rema ngan bé' pu'un merem ineu'-ineu' tong Néh.

⁶ Hun néh kenat hun uleu' bara' uleu' pu'un alaa' urip Néh, bang uleu' mokoo' keto dalem merem, adang lu' kenyo awah, kenat péh neu' ha' lu' pané kenat, kenat péh neu' kekat penganeu' lu' kepéh.

⁷ Bang hun uleu' murip dalem rema, pekua' Allah pu'un dalem rema, adang uleu' béé pu'un Pekua' kenin, ngan dahaa' Yésus Anak Néh, mohéé' uleu jin kekat penyala'.

⁸ Hun lu' bara' Uleu' bé' pu'un penyala', inah uleu' ngelavo' Usah lu' tengéé'; ngan bé' pu'un ineu'-ineu' éh teneng dalem lu'.

⁹ Bang hun lu' ngakun kekat penyala' lu' ngan Allah, adang Iah pu'un tigéh ngan maneu kekat éh teneng. Adang Iah omok mega' kekat penyala' lu' ngan mohéé' uleu jin kekat penganeu' éh sala'.

¹⁰ Hun lu' bara' uleu' bé' pu'un maneu' penyala', inah seleket lu' bara' Allah nah kenyo awah, ngan ha' tebaraa' Néh bé' pu'un nodoo' lu' lem kenin lu'.