Saray Salmo 82 - Maung a Balita Biblia

Say Dios a Sankatageyan a Manoley

¹ Say Dios so pangulod mangatatawen a korti; sikatoy mangiiter na sintinsia no mantitipon iray diriyos:

² Tondaan yo lay pangiiter yoy sintinsian pikewet, tan tondaan yo lan pilaan iray totoon maoges.

³ Iyagel yoy katonungan da ray mairap-bilay tan saray olila; iter yoy kanepengan da ray totoon walad pankaukolan tan saray kaskasian.

⁴ Iyagel yo rad pakayari da ray totoon maoges.

⁵ Anggapoy amta yo! Ag ki makatalus! Sigput so inkaoges yo, tan naandi lay inkatonung diad tapew na dalin.

⁶ Imbagak ed sikayon diriyos kayo, tan anak kayon amin na Sankatageyan a Dios.

⁷ Balet ompatey kayo a singa saray totoo; mangangga ray bilay yo a singa saray prinsipi.

⁸ Gala pa, O Dios, ta oleyan moy mundo; kayaryan mon amin iray bansa.