Saray Salmo 70 - Maung a Balita BibliaPikekerew na Tulong (Sal. 40:13-17) 1 Ilaban mo ak pa, O Dios! Katawan, tulongan mo ak natan! 2 Natalo tan nagewgew komun iray manggegetman mamatey ed siak! Napasener tan napelag ed kababainga iray manliliket lapud kagugunigon ko! 3 Onkapoy komun so linawa ra lapud inkatalo iray manluludlurey ed siak! 4 Manggayaga tan manliket komun ya amin iray ondadagod sika! Amin a misasalamat lapud panangilaban mo et ikuan da komun, Agaylay talonggaring na Dios! 5 Makapkapoy ak tan pakaskasi ak; ganatan mo pay ondagod siak, O Dios. Sikay mananulong tan manangilaban ko; dago mo ak pa lan tulongan, O Katawan ko! |
Philippine Bible Society New Testament © 1977, Bible © 1983
Philippine Bible Society