Saray Salmo 133 - Maung a Balita Biblia

Pangidayew ed Inaagin Panangaro

¹ Agaylay abig tan makapaliket ed saray totooy Dios a mambilay iran mankakasakey!

² Singa mablin panaglanan larak a managagos ed olo tan balbas nen Aaron, ya anggad kuilyo na kawes to.

³ Singa linaew ed Palandey na Hermon, ya ompepelag ed kapokdulan na Sion. Diman so angisipanay Katawan na bindision to, say bilay a mansiansian anggad angga.