Saray Salmo 13 - Maung a Balita Biblia

Say Pikekerew na Tulong

¹ Katawan, anggad angga so pangililingwan mod siak? Anggad kapigan ni so pangisasanib moy lupam ed siak?

² Kapigan mangangga yan panliliknan na irap? Kapigan mangangga yan paneermen na pusok ed agew tan labi? Kapigan mangangga so panatalod siak na saray kalaban ko?

³ Imano mo ak tan ebatan mo ak pa, Katawan a Dios ko. Pabiskeg mo ak, pian ag ak ompatey.

⁴ Ag nibagad satan na saray kalaban ko, Tinalo mi! Ag da met napanliketan ed satan so pakatumbak.

⁵ Balet manmamatalek ak ed ag mangoman a panangarom; manliket ak, ta ilaban mo ak.

⁶ Kantaan ta ka, O Katawan, ta amayamay iray kaabigan ya inter mod siak.