Saray Salmo 11 - Maung a Balita Biblia

Say Panagmatalek ed Katawan

¹ Say Katawan so sasalimbengan ko. Panoy pangibaga na siopaman ed siak, Tikyab kan singa manok ed kapalandeyan,

² ta saray totoon maoges pininat tan impaarap da la ray pana ra a mangena diad ambilonget ed saray totoon matonung.

³ Antoy nagawaay toon matonung, no aderal lan amiy bengatla.

⁴ Say Katawan walad masanton timplo to; walad tawen so trono to. Babantayan toy amin a katoowan tan amta to ray gagawaen da.

⁵ Say Katawan sasalaysayen to ray matonung tan saray maoges a totoo; kabkabosul to ray totoon maruksa.

⁶ Ipepelag toy ngalab tan mandarlang ya asupri ed saray totoon maoges; dusaen to ra na makasinit a dagem.

⁷ Matonung so Katawan tan aaroen toy maung iran gawgawa; manayam irad kawalaan to iray totoon manggagawad saraya.