Esdras 10 - Maung a Balita Biblia

Say Intonday Impangasawa na saray Judio ed saray Aliwan Judio

¹ Akatewek a mampipikasi si Esdras diad arap na Timplo, manakakis tan ipapatua to ra yan kasalanan. Legan ton mampipikasi minokut na saray amayamay ya Israelitalalaki, bibii, tan ogogawtan manakakis na ampaipait.

² Insan si Secanias a lakin anak nen Jehiel tan kabyangay boleg nen Elam inkuantod Esdras, Nankasalanan kamid Dios lapud impangaasawa mid saray bibiin taga arum a bansa. Anggaman ontan, wala niy ilalo na Israel.

³ Nepeg miy manggaway sinambaan a sipan ed Dios tayo a pataynanen mi ra yan bibii tan saray anak da. Sumpalen mi so antokaman ya isimbawam a gawaen mi, sika tan saray arum a totoon papablien da ray ganggan na Dios. Onuren mi so antokaman ya ibabagay Ganggan na Dios.

⁴ Kanepegan mo yan gawaen. Sipaparaan kamin ontoluk ed sika, pabiskeg moy linawam tan gawam lay labay mo.

⁵ Impasambaan ya inmona nen Esdras ed saray pangulo da ray papari, Levita, tan saray arum a totoo a gawaen day imbaga nen Secanias.

⁶ Manlapu ed arap na Timplo, linmay Esdras ed kuarton panaayaman nen Johanan a lakin anak nen Eliasib. Sanlabid man a nanermen lapud aliwan matoor ira may pinmawil manlapud inkibantakan dan bansa. Ag angan o inminom na antokaman.

⁷ Niganggan ed intiron Jerusalem tan Juda a mantitipon ed Jerusalem iray amin ya Israelitan pinmawil manlapud inkibantakan dan bansa.

⁸ Saray pangulo da ray totoo so angiganggan ed saya. Siopamay ag makakar ed loob na taloy agew et naalay amin a kayaryan to tan naekal so kanepegan ton kabyangan na olupan.

⁹ Diad loob na taloy agew, linmad Jerusalem iray amin a lalakin manaayam ed dalin na Juda tan Benjamin. Nantitipon irad plasa na Timplo nen kumadwamplon agew na kumasiam a bulan. Mammaples a maung so oran ed saman, et lapud onyay panaon tan lapud ambelat so makasengeg na nantitiponan da, manggiwgiw so balang sakey ed sikara.

¹⁰ Inmalagey si Esdras a pari, insan nansalitad sikara. Inkuanto, Aliwa kayon matoor, ta angaasawa kayoy bibiin taga arum a bansa, kanyan inaruman yoy kasalanan na Israel.

¹¹ Natan sirin, ipatwa yo ray kasalanan yod Katawan a Dios da ray lalaki yo. Gawa yo la natan iray makapaliket ed sikato. Biig kayod saray sangkailin manaayam ed sayan dalin, tan pataynan yo la ray kaasawaan yon aliwan Judio.

¹² Inmeyag ya inmebat iray totoo, Gawaen miy antokaman ya ibagam.

¹³ Balet ta inyarum dan inkuan, Dakerakel kamin maung tan onooran pa ni met na maksil. Ag mi nayariay manalagey diad paway. Ag nasumpal ed sanagew odino duaran agew so pagagawam, lapud amayamay a maung ed sikami so nankasalanan ed saya.

¹⁴ Patilak mo lad Jerusalem iray opisyal mi, ta sikara lay akaoley ed sayan pamaakaran. Insan balang sakey a walay asawa ton taga arum a bansa et onla dia ed niganan oras, a kaiba to ray pangulo tan saray huis na siudad to. Diad onya onkepa so pasnuk na Dios ed sayan agawa.

¹⁵ Anggapoy sinmumlang ed sayan plano likud ed kinen Jonatan a lakin anak nen Asael, tan si Jahazias a lakin anak nen Ticva. Pinilaan ira nen Mesullam tan si Sabetai a Levita.

¹⁶ Inmabubon ed plano ira may pinmawil a nanlapud arum a bansan nibantakan da. Kanyan anoroy Esdras a pari na saray lalaki ed saray pangulo da ray boleg, insan to inlista ray kangaranan da. Nen ononan agew na kumasamplon bulan inggapo ray nansalaysay.

¹⁷ Diad loob na taloy bulan asumpal dan sinasalaysay iray kaso na amin da ray lalakin sangkaili so kaasawaan da.

Saray Lalakin taga arum a Bansay Kaasawaan da

¹⁸ Sikato yay listaan da ray lalakin taga arum a bansay kaasawaan da: Saray Papari a nilista ran onung ed boleg a nanlapwan da: Say boleg nen Josue tan saray agagi ton lalaki ya anak ira nen Josadac: Maasias, Eliezer, Jarib, tan Gedolias.

¹⁹ Insipan dan isian da ray kaasawaan da, insan angibagat iray sakey a karniron kalakyan a pangekal ed saray kasalanan da.

²⁰ Say boleg nen Imer: Hanani tan Zebadias.

²¹ Say boleg nen Harim: Maasias, Elias, Semaya, Jehiel, tan Uzias.

²² Say boleg nen Pasur: Elioenai, Maasias, Ismael, Natanael, Josabad, tan Elasa.

²³ Saray Levita: Josabad, Simei, Kelaya (atawag met a Kelita), Petahias, tan Eliezer.

²⁴ Saray Tumutogtog tan saray Kumakanta ed Timplo: Eliasib. Saray guardiad Timplo: Sallum, Telem, tan Uri.

²⁵ Saray arum: Say boleg nen Paros: Ramia, Izias, Malkias, Miamin, Eleazar, Malkia, tan Benaya.

²⁶ Say boleg nen Elam: Metanias, Zacarias, Jehiel, Abdi, Jeromot, tan Elias.

²⁷ Say boleg nen Zatu: Elioenai, Eliasib, Matanias, Jeremot, Zabad, tan Asisa.

²⁸ Say boleg nen Bebai: Johanan, Hananias, Zabai, tan Atlai.

²⁹ Say boleg nen Bani: Mesullam, Malu, Adaya, Gasub, Seal tan Ramot.

³⁰ Say boleg nen Pahat-moab: Adna, Kelal, Benaya, Maasias, Matanias, Bezalel, Binui, tan Manases.

^31-32 Say boleg nen Harim: Eliezer, Isiya, Malkias, Semaya, Simeon, Benjamin, Malluc, tan Semarias.

³³ Say boleg nen Hasum: Matenai, Matata, Zabad, Elifelet, Jeremai, Manases, tan Simei.

^34-37 Say boleg nen Bani: Madai, Amram, Uel, Benaya, Bedias, Keluhu, Vanias, Meremot, Eliasib, Matanias, Matenai, tan Jaasai.

^38-42 Say boleg nen Binui: Simei, Selemias, Natan, Adaya, Macnadvai, Sadai, Sarai, Azerel, Selemias, Semarias, Sallum, Amarias, tan Jose.

⁴³ Say boleg nen Nebo: Jeiel, Matitias, Zabad, Zebina, Jadai, Joel, tan Benaya.

⁴⁴ Amin da ra ya et walay kaasawaan dan taga arum a bansa. Insisian da ra, insan pinapataynan da ra tan saray anak da.