Ding Dalit 82 - Ing Mayap a Balita Biblia

Ing Dios, ing Kakataskatasan a Pamuntuk

¹ Ing Dios ya ing manimuna king kapulungan karin banua, king kapulungan da ring dios nganang minieng kayatulan:

² Ing pamanatul yung alang katuliran kekayu nang ituknang, at tuknangan yu na lang papanigan ding taung alang kayapan!

³ Ibie yu ing katuliran da ring kalulu at ding ulila; ibie yu ing mangaintulid karing mangailangan at karing alang akarapat.

⁴ Sagipan yu la king upaya da ring taung e mayap!

⁵ Kamangmangan yo! Ala kayung balu! King karalumduman karin kayu manuknangan, at ing hustisia keti king yatu mewala na.

⁶ Ngaku kekayu, Ikayu dios kayu; anak na kayu ngan ning Kakataskatasan a Ginu,

⁷ makanyan man mate kayu antimong tau; antimo ing anak ning ari, miwakasan munaman ing bie yu.

⁸ Talakad ka, O Dios, at yatu keka yang atulan, uling ding sablang bansa keka la naman.