Ding Dalit 137 - Ing Mayap a Balita Biblia

Ing Tangis da ring Israelita king Pangayugse

¹ Karing pampang ding ilug ning Babilonia karin kami pakalukluk, at manangis inyang agaganaka mi ya ing Zion.

² Karing tanaman a tutubu karin mi la sinabit ding kekeng alpa.

³ Ding memihag kekami inawad da ing magkanta kami ban patulan mi la; Ipagkanta yu kami, ngarang sinabi, metung a kanta tungkul king Zion.

⁴ Makananu mi yang ikanta ing kanta ning Ginu king bansa da ring dayuan?

⁵ Nung kalinguan da ka, O Jerusalem, e na ku sa makapanigtigan pa!

⁶ E na ku sana makapagkanta pa sakaling kalinguan da ka, nung aliwa ika ing ituring kung maragul diling tula king bie ku!

⁷ Ganakan mu sa, O Ginu, ing gewa da ring tau Edom kanitang mebihag ya ing Jerusalem. Ganakan mu nung makananung ulit-ulitan dang sasabian, Lasakan ya at iragsa angga king gabun!

⁸ Mibagsak ka naman, Babilonia. Mapalad ya itang mablas keka king sablang kekami mu gewa!

⁹ Mapalad ya itang damput karing anak mung bingut ban karing batu ipukul!