Ding Dalit 124 - Ing Mayap a Balita Biblia

Ing Talapagligtas na ning Israel

¹ Nung ing Ginu e ya migpanig kekatamu, nanu kaya ing mepalyari? Makibat ka ngeni, O Israel!

² Nung e na katamu penigan ning Ginu inyang ding kalaban lisuban da katamu,

³ magkang penakmul da ka tamung mabie, uling maragul ing kasbu da kekatamu;

⁴ ing agus ning albug tiki na katamu sa at pepalbug,

⁵ linumud na kata sa ning mabilis a agus.

⁶ Pasalamatan ta ya ing Ginu; e na peintulut ing pamuksan da katamu ding kalaban.

⁷ Anting ayup miligtas tamu king inumang dang bitag; mesira ya ing bitag at miligtas tamu.

⁸ Ing saup tamu atyu king lagyu ning Ginu, ing linalang king banua at yatu.