Ding Dalit 121 - Ing Mayap a Balita Biblia

Ing Ginu ya ing Kekatamung Talaingat

¹ Iyatna ku la ding kakung mata karing bunduk-bundukan nung nukarin manibatan ing kakung kasaupan.

² Ing Ginu ya'ng sumaup kaku, ing Ginung mengawa king banua at yatu.

³ E na paintulut ing mitisud ka; parati yang makagising ing mimingat keka.

⁴ Wa, ing mimingat king Israel e ya mipapaiglip o matudtud man.

⁵ Ing Ginu ya ing bante mu; siping mu atyu ban keka magdipensa.

⁶ King patingapun ing aldo e na ka panasakitan o ing bulan kekaban ning kabengian.

⁷ Ingatan na ka ning Ginu king sablang panganib; ilisia na ka king sablang disgrasya.

⁸ Ingatan na ka king kekang pamaglako angga na king pamagbalik mu ngeni at king kapilan pa man.