Ding Bilang 36 - Ing Mayap a Balita Biblia

Ing Mana da ring Talasawang Babai

¹ Pintalan de ring manimuna da ring pamilya da ring pamilya nang Gilead, ing anak nang Makir at apu nang Manase a anak nang Jose, i Moises at ding aliwang manimuna.

² Ngara, Inutus na keka ning Ginu ing pirakerakayan me ing gabun king kapamilatan na ning bagutan. Inutus na naman keka ing ibie mu ing dake na ning kamaganak ming i Zelofehad karing anak nang babai.

³ Ngeni, nung makapakiasawa la deting babai karing lalaking e ra ka-tribu, ing dake ra maging dake ne ning tribu ning asawa na. Mabawas ya ing gabun a miyabie king kekaming tribu.

⁴ At potang miras ing Banua ning Pamanyubli, potang ing gabun a mepisali ibalik king tune makibandi, ing dake ra kanita ding babaing anak nang Zelofehad muli karing tribu da ring ayasawa ra. Inya mebawas ya ing dake na ning kekaming tribu.

⁵ Inya nganang migsalitang Moises karing memalen na ning Israel, Ustu ing sinabi da ring miembru na ning tribu nang Manase a anak nang Jose.

⁶ Inya iyutus na ning Ginu ing paintulutan lang makiasawa ring anak nang babaing Zelofehad karing ninumang lalaking aburi da, pero deta mung king tribu da.

⁷ Uling ing dake na ning isanu mang tribu sukat manatiling bukud king tribu na.

⁸ Ing ninumang babaing Israelita a tinanggap gabun a mana kang tata na sukat yang makiasawa king mismung ka-tribu na ban e miras king aliwang tribu ing dake nang tata na.

⁹ E milipat kanita king isanu mang tribu. Sukat manatili king tribung ita ing dake nang gabun.

¹⁰ Tiparan da ring anak nang babaing Zelofehad ing inutus na ning Ginu king kapamilatan nang Moises.

¹¹ Memakiasawa la ri Mahla, Tirza, Hogla, Milka, at Noe karing pisan da.

¹² Miyayasawa la ila mismu. Inya alang dake ning gabun a mana ra ing mewala karela.

¹³ Ila deti ring kautusan at tuntunan a binie na ning Ginu karing Israelita king kapamilatan nang Moises inyang atyu la king kapatagan ning Moab lele na ning Ilug ning Jordan at sumangid ning Jerico.