1 Cronica 8 - Ing Mayap a Balita Biblia

Ding Lahi nang Benjamin

¹ Ding anak nang Benjamin ila di Bela, ing pangane, ing katuki na ya i Asbel, ing katlu ya i Ahara,

² ing kapat ya i Noha, at ing kalima ya i Rafa.

³ Ding anak nang Bela ila di Addar, Gera, Abihud,

⁴ Abisua, Naaman, Ahoa,

⁵ Gera, Sefufan, at i Huram.

^6-7 Ding anak nang Ehud ila di Naaman, Ahiya, at i Gera. Ila ding pekapun ding pamilya a manuknangan king Geba, oneng mepilitan lang linipat king Manahat. I Gera a tata nang Uzza at i Ahihud ila ding menimuna king pamaglipat da king aliwang lugal.

⁸ Kewanian na lang Saharaim ding adua nang asawang i Husim at i Baara. Kanitang menuknangan ya king Moab ayasawa ne i Hodes

⁹ at ayanak da la ri Jobab, Zibia, Mesa, Malkam,

¹⁰ Jeus, Sakia, at i Mirma. Ila deti ring anak a meging pekapun karing sarasarili rang pamilya.

¹¹ Mikayanak ya naman kang Husim; ila di Abitub at Elpaal.

¹² Ding anak nang Elpaal ila di Eber, Misam, at i Semed. I Semed ya ing mitatag karing siudad na ning Ono at Lod at ding balen a makapadurut kareti.

Ding Lahi nang Benjamin king Gat at Ayalon

¹³ I Beria at i Sema, ding pekapun da ring pamilyang menuknangan king Ayalon kaybat da lang atabi ding memalen na ning Gat.

¹⁴ Anak na lang Beria di Ahio, Sasak, Jeremot,

¹⁵ Zebadia, Arad, Eder,

¹⁶ Mikael, Ispa, at i Joa.

Ding Lahi nang Benjamin king Jerusalem

¹⁷ Ding anak nang Elpaal ila di Zebadia, Mesullam, Hizki, Heber,

¹⁸ Ismerai, Izlia, at i Jobab.

¹⁹ Ding anak na namang Simei ila di Jakim, Zikri, Zabdi,

²⁰ Elienai, Ziletai, Eliel,

²¹ Adaia, Beraia, at i Simrat.

²² Ding anak na namang Sasak ila di Ispan, Eber, Eliel,

²³ Abdon, Zikri, Hanan,

²⁴ Hanania, Elam, Antotija,

²⁵ Ifdeia, at i Penuel.

²⁶ Ding anak na namang Jeroham ila di Samserai, Seharia, Atalia,

²⁷ Jaareshia, Elias, at i Zikri.

²⁸ Ila deti ring pekapun at ding manimuna da ring lahi nang Benjamin a menuknangan king Jerusalem.

Ding Lahi nang Benjamin king Gibeon at Jerusalem

²⁹ I Jeiel ya ing mitatag king siudad ning Gibeon at karin ya menuknangan. Maaca ya lagyu ing asawa na.

³⁰ I Abdon ya ing pangane nang anak; ding aliwa nang anak ila di Zur, Kis, Baal, Ner, Nadab,

³¹ Gedor, Ahio, Zacarias,

³² at i Miklot a tata nang Simea. Menuknangan la ding karelang lahi king Jerusalem at siping da ring karelang kamaganak.

Ing Pamilya nang Aring Saul

³³ I Ner ya i tata nang Kis, at i Kis ya i tata nang Saul. I Saul naman ya i tata da ri Jonatan, Malkisua, Abinadab, at i Esbaal.

³⁴ I Jonatan ya i tata nang Meribaal. I Meribaal ya i tata nang Mikeas.

³⁵ Ding anak nang Mikeas ila di Piton, Melek, Tarea, at i Ahaz.

³⁶ I Ahaz ya i tata nang Jeoadda, at i Jeoadda ya i tata da ri Alemet, Azmavet, at i Zimri. I Zimri ya i tata nang Moza.

³⁷ I Moza ya i tata nang Binea, at i Binea ya i tata nang Rafa. I Rafa ya i tata nang Eleasa, at i Eleasa ya i tata nang Azel.

³⁸ Atin yang anam a anak i Azel; ila di Azrikam, Bokeru, Ismael, Searia, Obadias, at i Hanan.

³⁹ Ding anak nang Esek a kapatad nang Azel ila di Ulam, ing pangane, i Jeus, ing pangadua, at i Elifelet, ing bungsu.

⁴⁰ Matapang la ngang sundalus at mangagaling mamana ding anak nang Ulam. Mika dinalan limang pulu yang anak a lalaki at apu. Ding sablang mesaglawe lagyu lahi na la ngang Benjamin.