Sam keil 113 - Paama Bible

Mihehati lat isen Iahova ven tahosien onen

¹ !Mihehati lat isen Iahova! Anatin, kami koa mivi meatin toumien keil onen, mihou lat isen.

² Isen Iahova mariso mok, kosa ka lisenges.

³ Kami vasi koa miro en out koa meteiai ka ien va rokol kami koa miro en out koa meteiai munu ien, mihemasmas Iahova.

⁴ Avou lat isen Iahova en out vasi en out netan, ka hetetamenien onen vina nesa mok mulin teilang.

⁵ Tounah tovuol vasuval Iahova, Ahi orer, koa mul rondan en out nesa ka losil kat tounah vasi.

⁶ Kei malingling ka lele mita netan keke vales tounah keil koa amul en teilang ka en out netan.

⁷ Kei mul rali lat koakeil tounah one tovuol keke avamemea ran out tatisa koa amul ien. Ka mul kulat keil ran mahien keil one.

⁸ Iahova mul san houhouen min keil suval avi hetetamen. Mul sakin keil arondan revi ral min mari meatin keil.

⁹ Kei mul sakin koakeil avi lumalum asi keil en teim se keil, veni mul maen keil avahi mama onen titiali keil. !Sakini, mihehati lat isen Iahova!