Sam keil 1 - Paama Bible

Sien onen koakeil ualien one mal

¹ Sien hel en koakeil: asesein rendemien koa meatin tatisa keil amul asani; armusiltei sakien onen meatin tisa keil, vuo arkapiltei vatal koakeil amumon tohtohien en tounah keil onen Ahi.

² Vuo, keil avotin sien navong along kat mengkatien onen Ahi, meneai ka vongien, amundem usili.

³ Keil asuval vatiai koa mul en vali oai, son heite mal en avong teni, ka oute sakras varei vakou. Tounah vasi koa amumoni tahos imok.

⁴ Ka meatin tatisa keil armukteinek. Keil asuval sume uit koa rotahostei koa eang mul muh lini ran aneite.

⁵ Sakini, Ahi hesan mahien min meatin tatisa keil, irtotei hetal koakeil ualien one tahos.

⁶ Ven koakeil ualien one tahos, Ahi helosil kat keil ka hekur koe keil. Ka koakeil ualien one tisa, amul en sise ten matien.