Sawmus 87 - Uhokri Gahegbetawni Nukune akak Sawmus

Jerusalém, Uhokri Givin

¹ Ig Kiyavwiye Uhokri kehe Givin aynte avitmin waxri barewvitye.

² Ig batek akak paytwempu Jerusalém mpiy ariw nawenyevwi iwetrit ay Izhaewyamnaw.

³ Paytwempu Uhokri Givin, timapnaba arikna barewyevwi ku pariye ig awna pidahan:

⁴ “Ku aysaw nah tamekwiyenek giwkis hiyegviyenevwi ku pariye ihpenevwi nuwnuh, nah tamaknek atere hiyeg giwkis ariwntak Ejitumnaw akak ariwntak Babilôniyamnaw. Hawata hiyegviyenevwi ariwntak Filistiyamnaw akak ariwntak paytwempu Tiro, akak ariwntak Etiópiyamnaw akiw. Igkis humawnek kewa wayvukabe ay avit Jerusalém.”

⁵ Amin Jerusalém hiyeg awnanek ku madikte neras hiyegviyenevwi igkis aygenevwi hawata ku ig Uhokri inurikyene kehnek inin paytwempu humaw ka nidatnisima.

⁶ Ig Kiyavwiye Uhokri tamaknek pahak kagta akak giwkis gihiyegavu. Amadga ini kagta madikte igkis humawnek kavinwenevwi ayge Jerusalém.

⁷ Madikte ku pariye misekwenevwi ayge igkisme kaynek awaku gibetkikis. Igkis paknek han: “Jerusalém, pisnewa ubetki ariwtyak.”