Sawmus 141 - Uhokri Gahegbetawni Nukune akak Sawmus

Piriyepkawka aygete

¹ Kiyavwiye Uhokri, nah humakpi, ba ayta kibehtenwa parak abet nuhawkan! Timapnanuba ku aysaw nah kanumpi!

² Amavanaba nuviryepkawni kewa iyaygtibe. Inme nuwakuh tarak pimkanit kewa kakanhawkabe pit aygete.

³ Kiyavwiye, uya ayava nah avuriw nuwnuh. Ka ba isaksa nah awnbetnema iwit ku pariye kane ik adahan nah awna.

⁴ Ka ba isaksa nuyakni kinistasaw adahan kehne mbayka, ine kawnata isaksa nah wew gikakkis arewhavye adahan kehne ku pariye kane wadit payak gikakkis. Mpithan adahan nah ka pahaytima ataknek abetit gifetrakis.

⁵ Ku pahavwi hiyeg waditye ayta himahun akak tuwatka, ka sam; nah amavin. heneme nah ka amavati mbayavye adahan igkis keh giwantikis nukakuh. Nah nudukwenewa piriyepkawnek gidahankis adahan igkis uti mbeyne.

⁶ Ku aysaw gikivarakis padakavepkanek avitmintak tivebdi, nikwe hiyegviyenevwi hiyaknek ku nah awna inyewa.

⁷ Ku samah tiketuka baka in puvehbetaki aritnanyuvwi, hene givitakis padekbetepkanek aranwa gimewkis.

⁸ Heneme nah, Kiyavwiye, nuwohkiga, nah tiviknene kamaxwenene pivitit. Hawata ivegvenene adahan pis mpithamnihun. Ka ba isaksa nah miya.

⁹ Uya amnih wiwhun ariw tey ku pariye neras mbayavye ahegbete adahan nukamaxwitni. Ariw giteynikis neras kehnevwi mbayka.

¹⁰ Kehnaba neras mbayavye igkiswa tuguhe arikut giteynikis akiw, adahan nahme isahptawnek barewvit ariw hawata makniw ariw.