Sawmus 136 - Uhokri Gahegbetawni Nukune akak Sawmus

Uhokri gamnihra dahwa adahan avananekwa

¹ Kabayhanay Kiyavwiye Uhokri, awaku ig kibeyne; awaku gamnihra dahwa adahan avananekwa.

² Kabayhanay ner Detye, ku pariye gidatni mpiy madikte hiyegviyenvwi giwohkigavukis amedgene inin; awaku gamnihra dahwa adahan avananekwa.

³ Kabayhanay ner Detye, ku pariye gidatni mpiy madikte kumadukenevwi amadga inin; awaku gamnihra dahwa adahan avananekwa.

⁴ Ignewa Kiyavwiye hiya akehka ka aynsima annut; awaku gamnihra dahwa adahan avananekwa.

⁵ Akak gihiyekemni, ig kehe en; awaku gamnihra dahwa adahan avananekwa.

⁶ Ayteke ig yakkise waxri ahakwatak un; awaku gamnihra dahwa adahan avananekwa.

⁷ Ig humawase kamuw akak kayg; awaku gamnihra dahwa adahan avananekwa.

⁸ Ig kehe kamuw adahan uguhne puwivaka; awaku gamnihra dahwa adahan avananekwa.

⁹ Ig kehe kayg akak warukmebdi adahan uguhne tiyegem ka; awaku gamnihra dahwa adahan avananekwa.

¹⁰ Minikwak ig isahkisase gihiyegavu abetitak mbeyne. Ariku mpuse hiyeg ejituyenevwi givinkis ig umahkisase pahavwi ikamkayti egutye; awaku gamnihra dahwa adahan avananekwa.

¹¹ Ig wiwhe gihiyegavu izhaewyenevwi avititak Ejitumnaw; awaku gamnihra dahwa adahan avananekwa.

¹² Ig wiwhpigkis akak giwak detye hawata akak giwan kane adatnisima; awaku gamnihra dahwa adahan avananekwa.

¹³ Ig ibekhe parahwokwa Duwweh pabuskak; awaku gamnihra dahwa adahan avananekwa.

¹⁴ Ig kehe gihiyegavu izhaewyenevwi mpiye ayegbiw parahwokwa; awaku gamnihra dahwa adahan avananekwa.

¹⁵ Ayge parahwokwa ig ner Ejitumnaw akivara aniksew payak gikakkis gisuwtatavu; awaku gamnihra dahwa adahan avananekwa.

¹⁶ Ayteke Kiyavwiye Uhokri huwithe gihiyegavu amadgew amatap; awaku gamnihra dahwa adahan avananekwa.

¹⁷ Ig umahave ikivaratviyenevwi detyevwi; awaku gamnihra dahwa adahan avananekwa.

¹⁸ Ig umahave ikivaratviyenevwi ku pariye kane giwkisima muwapuw; awaku gamnihra dahwa adahan avananekwa.

¹⁹ Ig umehe Seoh, ku pariye amohewyenevwi gikivarakis; awaku gamnihra dahwa adahan avananekwa.

²⁰ Hawata ig umehe Ogi, ku pariye Basahmnaw akivara; awaku gamnihra dahwa adahan avananekwa.

²¹ Ig ike gitkis gihiyegavu giwaxigkis neras ikivaratviyenevwi adahan in humaw gidahankis; awaku gamnihra dahwa adahan avananekwa.

²² Ig ike inin waxrivyene giwakuritkis gihiyegavu izhaewyenevwi; awaku gamnihra dahwa adahan avananekwa.

²³ Ku aysaw usuh hahwa, Kiyavwiye Uhokri ka miyeh usuh; awaku gamnihra dahwa adahan avananekwa.

²⁴ Ig wiwhe usuh giwakutakkis uvetunyavu; awaku gamnihra dahwa adahan avananekwa.

²⁵ Ig iki madikte hiyeg gimanakis payak gikakkis puwiknebdi; awaku gamnihra dahwa adahan avananekwa.

²⁶ Kabayhanay Kiyavwiye Uhokri inurikyene; awaku gamnihra dahwa adahan avananekwa.