Psalm 6 - Tjukurpa Palya

¹ Mayatja, ngayuku puḻkaṟa mirpaṉariwiyangkuṉi wantima, Munuṉi puḻkaṟa ngayunya pikantankunytja wiyangku kuḻu wantima.

² Panya ngayulu kuwari paku puḻkaringu, katju Mayatja, wanyu ngaḻṯuringama munuṉitju kuṉpunma. Panya ngayulu uparingkula nyanga kuwari paku puḻkaringu,

³ munuṉa puntu winki kuḻu kuraringu. Palu Mayatja, nyaakun ngayunya rawangku nyakula wantinyi alpamilantja wiyangku?

⁴ Wanyuṉitju pitjala wankaṟura! Munuṉitju ngaḻṯunytju puḻkangku aṯunymaṟa kanyinma ilunytjaku-tawara.

⁵ Panya miriku ngurangka aṉangu ilunytjitja tjuṯa nyinara nyuntunya kulintja wiyaringkupai, munuya nyuntunya waḻkuntja wiya alatjiṯu.

⁶ Ka ngayulu kuwari paku puḻkaringkula uḻiringkula nyuntula tjapini. Panya ngayulu mungangka ngarira puḻkaṟa ulapai, ka iḻanypa puḻka ngayula kuṟunguṟu mantarangka punkalpai.

⁷ Panya ngayuku mirpaṉtju tjuṯangkuya kuwari ngayunya rawangku nyii-nyiipungkula ulatjingalpai. Kaṉa nyangatja palulanguṟu kuwari rawa ulara ulara kuṟu utjuringkula pikaringu munuṉa puṯu nguwanpa palyanyku nyakupai.

⁸ Mayatja, nyuntu wiṟungku ngayunya ulanyangka kulinu. Munu wanyu kura nyanga palyalpai tjuṯa paila ngayunya wantikatinytjaku!

⁹ Panya nyuntu kulilpai ngayulu nyuntula ngatjinnyangka.

¹⁰ Munun ngayuku mirpaṉtju tjuṯa paiṟa iyalku, Kaya mulapa paluṟu tjana kuṉṯaringkula mapalku nguḻu wirtjapakalku.