Aitjayaku 30 - Tjukurpa Palya

Godalu Palumpa Walytja Tjuṯa Aṯunymankunytjikitjangku Kalkuntja

¹⁹ Ka nyura Jerusalemala nyinanytja tjuṯa piṟuku ulanytja wiyaringkuku, panya Mayatja Godalu ngaḻṯunytju puḻkangku nyura ulara tjapinnyangka kulilku, munu nyuranya wankaṟunkuku.

²⁰ Mayatja Godalu nyurampa wituwitu palyalku nyura tjituṟu-tjituṟurira puṯu kulintjaku, palu paluṟu nyuralanguṟu kumpintja wiyangku nyuranya nintilku iwara tjukaṟurungka ankunytjaku, ka nyura palula utingku kulilku.

²¹ Tjinguṟu nyura iwarangka ankula nguṟurpa wantikatira kitikitiringkuku, palu nyara palula aṟa Mayatjanya nyurala tjunguringkuku munu nyuranya wangkaku alatji, “Nyangatja iwara! Pitjalaya waṉanma wantinytja wiyangku!”