YOSWÖ 12 - PIPÏLIA

¹ Kicheng pipö Israel kore kïlïkwï nyingwa kïngata Yordan antakwagh, okumpö kongasis akïngata mpöghoghyo Arnon ntökwit kutïng pö Ermon nko Arapa löwïr okumpö kongasis. Kirïnta pipö Israel pöytoghi koroswechï.

² Pöytoghinteto tagh kï Sion pöytoghinto pipö Amori nyo kimöngöy Espon. Kipöytoy kïngata Aroer sörömu mpöghoghyo Arnon, akïngata kanasyan nyo mi kwenu tömkononi ntökwit lalwa Yapok, wölo le rotyo koro Amon. Nyoni kï kareranpa Kiliad.

³ Akingata mpöghoghyo Yordan ntökwit nanampa Kalilaya kutang okumpö ewu tagh ntökwit Pet Yesyimot (kongasis pö nanampa Paryan) akutang toyo kutïng pö Piska.

⁴ Pöytoghinte nyo pö odeny kï Ok pöytoghinto Pasyan nyo le ngötunöno Repaim nyo kimöngöy Astarot* nko Edrey.

⁵ Kitïta pöyunötenyi kutïng pö Ermon nko Saleka nko Pasyan kïmïkul ntökwit rotyo Kesyur nko Maaka nko kareranpa Kiliad ntökwit rotyo Sion pöytoghinto Espon.

⁶ Kirïnta Musa mötworinto ECHOTYON nko pipö Israel pöytoghichay kwodeny akutötö korengwa kïpöyit ara Rupen nko ara Kad nko kareranpa ara Manase.

Pöytoghï cho kirïnta Yoswö

⁷ Kirïnta Yoswö nko pipö Israel pöytoghï cho kimöngöy Yordan okumpö ta, kïngata Paal Kad ompö mpöghoghyo Lepanon ntökwit kutïng pö Alak nyo pörtoy Seir. Kitötö Yoswö korengwa kïpöyit ortïna pipö Israel kïrïp kegh nko chöwutkökwa.

⁸ Kïngata kore wölo le kamas nko tömko Arapa nko nariytin nko surkwen nko Nekep* koro pipö Ititi nko Amori nko Kanan nko Peris nko Ipiti nko Yepusi.

⁹ Kipöytoy chane kanastinechï: Yeriko nko Ai nyo lekïto Petel

¹⁰ nko Yerusalem nko Epron

¹¹ nko Yarmut nko Lakis

¹² nko Eklon nko Keser

¹³ nko Depir nko Keder

¹⁴ nko Orma nko Arad

¹⁵ nko Lipna nko Adulam

¹⁶ nko Makeda nko Petel

¹⁷ nko Tapua nko Eper

¹⁸ nko Apek nko Lasyaron

¹⁹ nko Madon nko Asor

²⁰ nko Syimron Meron nko Aksyap

²¹ nko Tanak nko Mekido

²² nko Kedes nko Yokneam (ompö kutïng pö Karmel)

²³ nko Dor nyo mi Napat Dor nko Koyim nyo mi Kalilaya

²⁴ nko Tirsa, chane löwïr kï pöytoghï 31.