YEREMIA 45 - PIPÏLIA

Kiyomisöto Tororöt ompö Paruk

¹ Ompö könyi angwan nyo pö paytaghpa Yeoyakim, wero Yosia, kikirchï Paruk wero Nerya kitapï ngal löwïr lenyini kyomwochan ompö kut. Atolapay omwochan Paruk,

² lö, kölö ECHOTYON, Tororöt, “We Paruk!

³ Kalïman mwoghenyi lö, ‘Nyarïl nyo tya nya wey! Ompöwölo katasa ECHOTYON ngwonïn nyörilwoköchan. Mökwaninye nko kiteghat nyo pö kïtenö osis amömi ato omungöy!’

⁴ “Wölo omwowunyi ye ante ECHOTYON lö, orulan kïgh anka tïkwïl nyo kyatekan angaghan kïgh anka tïkwïl nyo kyakatkatan ompö ngwïny kïmïkul.

⁵ Ayo, iyörenyi so kewunyi nyo karam tya kïtïl pikö walaka? Ikïrö kegh ngölyontononi! Ompöwölo onyoran ngwïny kïmïkul. Wölo ropöwontengu kï akonga. Ichïwïtenyi amönyorunyinye ngot ompö wop anka tïkwïl nyo kewenyi.” Mwoghöy ECHOTYON.