TUMWÖY 92 - PIPÏLIA

¹ Karam ECHOTYON keyokunyi sörö, aketumunyi sölut, we Tororöt nyo Töror Tya,

² kemwatïta chomnyengu nyo pö kokay tökwoghö akemwatïta nangat otöptöngu nyo ghanate

³ ompö tumöto pïkantis cho sisinchö.

⁴ Konanïn ngörekyö, we ECHOTYON ighisyewutköku, otuman ompö ngörekyö akwompö tïkuchoni keghanyi.

⁵ Wechï echön ighisyewutköku, we ECHOTYON! Akïmi kinonutköku ori tya!

⁶ Melö muköy chi nyo sangeng ntökunkïtï amelö nkïtu sölwö.

⁷ Kïrkegh kapit mwokïyis le sus akïnyorï perur pich cho le wökï, wölo kiwongöy chane lömïs,

⁸ ompöwölo ichinyi töror kokay, we ECHOTYON.

⁹ Kinyoröy punköku nyo mötïny, we ECHOTYON aketoyot mwokïyis löwïr!

¹⁰ Kekonaninyi owesyö nyo teno nyo pö so, aiyilenaninyi mwagh olïmchan kegh nyo karam.

¹¹ Kasïwan kikerïnta pungköchan, alïman rirata mwokïyis.

¹² Pitöy pipö man le keti sostin akïpöyitu le tarakitpa Lepanon!

¹³ Kïkötkötyini chane Kö pö ECHOTYON, cho pito kiroryo Koto Tororötïncha.

¹⁴ Yinu chane akwa, kïrkegh kikïyositu, nyörilöch akïtïng owesyö kïtenö osis.

¹⁵ Kuporï lö pö ECHOTYON man, köpönenyan nyinte, möminye ghöyityö nyonikïny.