TUMWÖY 85 - PIPÏLIA

¹ Kisyonchinyi korengu, we ECHOTYON, keghanyi Yakopo kïnyorï perur ngat.

² Kilöstoghchinyi piköku lelutkökwa ailöstoghchï chane ngokikwa löwïr.

³ Kichengenyi chane nörekyengu kïmïkul aipörchinyi patagh nyölotyengu nyo ngwan.

⁴ Yokwecha, we Tororöt pö sörunötencha, ainategha nörekyengu ompö acha!

⁵ Inyölechinechanyi kokay nya ECHOTYON? Ighenyi nyölotyengu kïtas tagh ompö pïnwöy löwïr?

⁶ Konecha owesyö ngat atökengörekyenöcha cho kïchï piköku.

⁷ Porwecha chomnyengu nyo pö kokay, we ECHOTYON, aikonecha sörunötengu.

⁸ Oteran kïgh nyo mwoghöy ECHOTYON Tororöt, ompöwölo ngölonchini pikachi ngala pöghisyö, cho tïghöy kerïpa ortïna sölwontön.

⁹ Nyoman söru pich cho konyïtöy nyinte, atökïtöpö ororyenyi korencha.

¹⁰ Kötuyö chomnyogh nyo pö kokay nko kighanat ketakwes kegh man nko pöghisyö.

¹¹ Pitöy kighanata ompö ngwïny akurosunö man yïm.

¹² Konu ECHOTYON cho karamach akïyï korencha akwa ompö chongïn.

¹³ Ntöghogho man ECHOTYON atökwighchï nyinte orenyi. Saghata Daudi.