TUMWÖY 82 - PIPÏLIA

¹ Wowö Tororöt kokwo yïm, rwoköy nyinte ompö kwenu tororötin lö,

² “Orwokekwa ompö lïs nko oyï? Ochomnyeghokwa mwokïyis nko oyï?

³ Oghchinö man pich cho nyörkölöl nko pönon, orip man ompö mey nko chopot.

⁴ Osörunö pich cho nyörkölöl nko mey, osörunenö chane sighöy pö mwokïyis.

⁵ “Wölo melö otïngetekwa pköchin anta chïreryö! Opesteghokwa tuwïn! Kipotan ngwïnya kïmïkul!

⁶ Kyolan, ‘Ochikwa löwïr tororötin, werpö Tororöt nyo Töror Tya.’

⁷ Wölo omeghokwa pat le ptangengmöt, owonyokwa le pöytoghin anka tïkwïl.”

⁸ Nyonö, we Tororöt aterwokyinö ngwïny, ompöwölo cheku puntonï löwïr! Tum pö Asap.