TUMWÖY 8 - PIPÏLIA

¹ Rumunote, we ECHOTYON Echotyontïnyo, ororyengu ompö ngwïny kïmïkul, kitïta ororyengu yïmwöy.

² Kitorönyi owesyö kïngetunö kutïwa monïng nko cho pö mnyarkiltin nyo chïchïmate akwompö punköku atökïkar chane kïsisyö.

³ Otopönan yïm nyo kighenyi ewuneku, nko arawa nko kokel cho kitönönyi woptinekwa:

⁴ Inonenyi chi nyo pö ne, akïne tesïngena ptangengmöt?

⁵ Keghanyi nyinte kïmïnïngit kïtïl Tororöt, kelokyinyi nyinte tenta ororyö nko konyït.

⁶ Kikïlanyi nyinte kïpayta ighisyewutko ewuneku, kitönönyi tïkwïn löwïr morichi,

⁷ kechir löwïr nko tïch nko tïpö wudïn tïkwïl,

⁸ törit nko kaghagh nko kïgh anka tïkwïl nyo mi nanam.

⁹ Rumunote, we ECHOTYON Echotyontïnyo, ororyengu ompö ngwïny kïmïkul! Ompö kintöghoghinto tumï. Kïrïp kegh nko tum pö “Megheto werïnyi?” Tum pö Daudi.