TUMWÖY 79 - PIPÏLIA

¹ Kepokyï pipö punton korengu, we Tororöt, akusïmnyon Kongu nyo tïlil akwigh Yerusalem kïlïkwï kïratyan.

² Köpïstö chane mïntïruchko piköku kwam mötonywö akïpïsyï kwam chane tïpö wudïn.

³ Kimïlta chane kisönko piköku le pögh, kighumtö kïghömï Yerusalem kïmïkul amelö mi chi nyo kitïp chane.

⁴ Kemwaghecha pörörisköcha akïsasecha akïroröchecha.

⁵ We ECHOTYON, tenörekenyi so kokay? Ngwonitu köromnyengu nyo pö sastagh le ma kokayï?

⁶ Mïlchinö nörekyengu punton cho melö nkïtinyi nko pöyunötin cho melö kuröy kaynengu.

⁷ Ompöwölo kapar chane piköku akunyar korengwa.

⁸ Meyityecha ngokiko papotïnecha. Konecha kisyonötengu lawel, ompöwölo melö töketïngetecha kikönöt.

⁹ Ngarakecha, we Tororöt pö sörunötencha, ompö ororyeto kaynengu sörwecha ailöstowecha ngokicho ompö kaynengu.

¹⁰ Ompö ne tökïtepecha puntonï lö, “Mi onö Tororötïnkwa?” Nya kesïwena lö kenyarilanyi kong pipö punton ompö kisön pö mötworiku cho kimïlta chane.

¹¹ Tera loko pich rötote aisörï ompö owesyengu pich cho kikerwokyï kïmeghö.

¹² Ghokyinö, we Echotyon, pörörisköcha kïnyïl cho chang kimwosyewutkökwa cho kemwaghinyi chane.

¹³ Kiyokucha nyi sörö kokay nko kokay cho kïchï piköku akechï kechiryeku, akesölichanyi ompö pïnwöy löwïr. Ompö kintöghoghinto tumï. Kïrïp kegh nko tum pö “Tapïkoy pö söwintön.” Tum pö Asap.