TUMWÖY 75 - PIPÏLIA

¹ Kiyokucha nyi sörö, we Tororöt, kiyokucha nyi sörö, ompöwölo lekït kaynengu. Mwotïtoy pich ighisyewutköku cho pö töngönchin.

² Lentöy Tororöt, “Kyakïlan asis, nyo otini ketïta orwokyan ompö man.

³ Kïrkegh kïpotan ngwïnya nko pikachi löwïr, kwani nyo onömöy pchörinechi kïchïchïm.

⁴ Olenchinan menot, ‘Momenöy tya,’ alenchan mwokïyis, ‘Mosyolöy kegh!

⁵ Amosyol kegh tya, anta angalana anisa.’ ”

⁶ Melö ngwïno kirwoköto kongasis anta to, amengwïnonye surkwen anta kutïngkot,

⁷ wölo Tororöt nyinte nyo rwokyini pich. Reytegho anka kïsyol anka.

⁸ Mito ewuno ECHOTYON kölöwö nyo kinyïghï dipay* cho kutu. Yintoy atökïgha mwokïyis. Gheghöy chane ntökuchim löwïr.

⁹ Wölo ongörokan kokay, otumchinan sölut Tororöt pö Yakopo kokay.

¹⁰ Mutöy nyinte kuyo mwokïyis löwïr, wölo syolöy kuyo pipö man. Pö kintöghoghinto tumwöy nyo pö pïkantis. Tum pö Asap.