TUMWÖY 67 - PIPÏLIA

¹ Isyonchecha, we Tororöt, aisoyönecha, itopönecha ompö köromnyö,

² nya kïrumtö machatengu ompö ngwïny nko sörunötengu ompö punton löwïr.

³ Nya kïsalinyi pich, we Tororöt, nya kïsalinyi pich löwïr!

⁴ Nya kïngörekyö puntonï akïtum ompö ngörekyö, ompöwölo irwokyinenyi pipö ngwïny ompö man aintöghoghchï punton cho mi ngwïny.

⁵ Nya kïsalinyi pich, we Tororöt, nya kïsalinyi pich löwïr!

⁶ Kikïkonï ngwïnya yiyötenyi, kesoyönecha Tororöt, Tororötïnyo.

⁷ Kakusoyönecha Tororöt, nya kïkonyït pipö ngwïny kïmïkul ompö nyinte. Ompö kintöghoghinto tumï. Tum pö Daudi.