TUMWÖY 64 - PIPÏLIA

¹ Otïngetan kömpölelyö, we Tororöt, terwante saghatenyu! Owöghan punkachu, sörwante söpontanyu!

² Wïngante atachïwïtan wököto mwokïyis nko kisusut pö pich cho ghach.

³ Litöy chane ngölyepkökwa le chokon akïwutï ngal cho lata ngwonö.

⁴ Syepöy akïwut chi nyo tenate, kïtomö kïsïwa amelö wöghisïyi chane.

⁵ Kilöy kegh chane ompö tötutkökwa cho ghach, tötöy chane wölo töni ngöghöptinekwa, akïlentöy, “Möminye chi nyo sïwïyi chane.”

⁶ Tötöy ngalekwa cho ghach akïlö, “Ngo nyo muköy ntökunkïtï?” Möminye chi nyo nkïtu mïkulöwu ptangengmöt.

⁷ Wölo wuto Tororöt kotichi chane akwigh chane lawel kïlïkwï kot.

⁸ Wuröy chane ompö ngalekwa, pirpiröy möt chi anka tïkwïl nyo sïwïyi chane.

⁹ Wöghisïyi nyu pich löwïr, mwotïtoy chane ighisyewut pö Tororöt akunan tïkwïn cho kigh nyinte.

¹⁰ Ngörökyini nyu tya pipö man ECHOTYON. Ghïpo chane nyinte. Sölöy pich löwïr cho tenote nyinte. Ompö kintöghoghinto tumï. Tum pö Daudi.