TUMWÖY 63 - PIPÏLIA

¹ Ichinyi, Tororötïnyan, we Tororöt, oyörinyi köninyi portönyan nyoman, omchinanïn maral nyi, le kor nyo tïyame nyo puryö pögh.

² Kyasïwinyi ompö kongu, iros owesyengu nko ororyengu.

³ Karam chomnyengu nyo pö kokay kïtïl söpon, sölinyi kutinyan.

⁴ Oyokunyi sörö otini tosöpan, osyolan ewunechu parak ompö saghat.

⁵ Pïghyongi söpontönyan akïmïchï, atotumunyi ompö ngörekyö nko salat.

⁶ Imitenyi kisönköchan otini orïwan pöröyunyan, ononinyi nangat ntökïyech,

⁷ ompöwölo ingörokaninyi kïtenö osis. Oturönan ompö ngwïnyi köpepoköku.

⁸ Rïpotoninyi söpontönyan nyoman akïmi ewungu nyo pö tagh kukomönanïn.

⁹ Petöy pich löwïr kïröytoy ngwen cho mököy kïtïghanïn.

¹⁰ Kïpöröy chane atökïlïkwï omisyo kowow.

¹¹ Wölo ngörokyini pöytoghintö Tororöt, sölöy Tororöt cho kiwalwal ompö kaynenyi, poto kutïwa putï cho kïnöpöy. Ompö kintöghoghinto tumï. Tum pö Daudi.