TUMWÖY 61 - PIPÏLIA

¹ Ilïmwante lokechu, we Tororöt, aiter saghatenyan!

² Orirchininyi ompö sörömu ngwïny, ato meghanïn mu. Imïtante apus köpön nyo kogh ompö ani,

³ ompöwölo ichinyi ghïpöwontenyan, teköwontenyan nyo awes ompö pungköchan.

⁴ Pïswante amang kongu kokay! Nya onyorchan wölo tïghume köpepoköku.

⁵ Kelïmanyi kiwolwolutköchan, we Tororöt, akekonaninyi mïlat nyo pö chane cho konyïtinyi.

⁶ Itösyï pöytoghin könyiswechi kïchangit, ipïsyï könyiswechi kughyongtö ompö pïnwöy löwïr!

⁷ Nya kïpayta nyinte kokay ompö tawungu, we Tororöt, nya kïrip nyinte chomnyengu nko mantangu.

⁸ Osölan kaynengu kokay, otini opunyi ropöwechu kïnomnyö. Ompö kintöghoghinto tumï. Kïrïp kegh nko tum pö Yedutun. Tum pö Daudi.