TUMWÖY 60 - PIPÏLIA

¹ Ketaghechanyi, we Tororöt, aitoyecha, kenarekanyi ompö acha, wölo mïlena wölï kïmitecha.

² Ketimtimönyi ngwïny kïkarera, tïpö ye nyu ngötutöyichï, ompöwölo kökörerisyö.

³ Ketönönyi piköku kuwongunö sompïris, kakïkwongkwongisyecha le ptamasis.

⁴ Kerirchinyi piköku cho konyïtinyi, kïchïwïtyeghö koti pung,

⁵ Sörwecha ompö owesyengu nyo wow, aiterwecha sowutköcho, atökïchïwïtyö chamanköku.

⁶ Köngölonunö Tororöt Konyi lö, “Oporan Syekem ompö ngörekyö nyo wow, achöghchan pikachu mpöghoghyo Sukot.

⁷ Kiliad kï nyinyan akï nyinyan Manase tïkwïl. Longenyan Epraim nyo oteko mötïnyu, kï lïkïnyan Yuda nyo pö paytagh.

⁸ Wölo lïku Moap sekeyontenyan, onoghan mangan Edom, oteghchinan Pilistiya kiteghata rïntagh.”

⁹ Ekï ngo nyo mïtanïn kanasyan nyo tekate? Ngo nyo ntöghoghwanïn ntatïtan Edom?

¹⁰ Ayo, kepïstechanyi so, we Tororöt? Mesetenyinye lïk ngat nko acha?

¹¹ Ngarakecha kerïntena pungköcho, menyiwunye kïgh kingörokut ptangengmöt.

¹² Ato mi Tororöt nko acha, kerïntocha, nyinte nyo rïntoy pungköcha. Ompö kintöghoghinto tumï. Kïpöghisyegho pïkan. Tum pö Daudi.