TUMWÖY 57 - PIPÏLIA

¹ Isyonchante, we Tororöt, isyonchante, ompöwölo ghïpeninyi söpontönyan. Oghïpenan köpepoköku wölo tïghume, ntökïtenö kuwer chepkïrïri pö kinyarat.

² Kyorirchan Tororöt nyo Töror Tya, Tororöt nyo puntoy machatenyi ompö ani.

³ Wöghökwanïn nyinte ompö wölini le yïm akïsörwanïn. Töni arasï pich cho työkotyökanïn, porwanïn Tororöt chomnyenyi nyo pö kokay nko ketwayta kegh nyinte.

⁴ Kewitanïn pung cho karkegh nko ngötuny cho omöy pich. Karkegh kelekwa nko ngötwö nko kotï, ngötipöch ngölyepkekwa le chokon.

⁵ Ichinyi kusate, we Tororöt ompö mïröt! Kinyïghï ororyengu ngwïny kïmïkul!

⁶ Ketö pungköchan ngöghöp tawunyan, omitan owongu ompö nyarïl. Köpölwanïn pïrïm chane ompö orenyan, wölo köchïnchï chane pïrïmpononi.

⁷ Chïchïmate mïkulöwunyan, we Tororöt, owöy, chïchïmate mïkulöwunyan! Otuman asalinyi!

⁸ Ngeta, we mïkulöwunyu! Angetyö pïkan nko pkureru! Ongetan kiwasan.

⁹ Oyokunyi sörö, we Echotyon, ompö kwenu pich. Osölinyi ompö kwenu pipö punton.

¹⁰ Wow chomnyengu nyo pö kokay kikïrich yïm akï wow ketwaytinyi kegh ntökwit poltoy.

¹¹ Nya ketöror wowïntöngu, we Tororöt, ompö mïröt, nko ororyengu ompö ngwïny kïmïkul. Ompö kintöghoghinto tumï kïrïp kegh nko tum pö “Menyar!” Tum pö Daudi.