TUMWÖY 51 - PIPÏLIA

¹ Isyonchante, we Tororöt, kïrïp kegh nko chomnyengu nyo pö kokay! Ingongoghta lelutköchan kïrïp kegh nko kisyonchötengu nyo wow!

² Iwunante lasiny ompö ghöyityenyan aitïlilante ompö ngokichan.

³ Konkïtwan ante lelutköchan nko ngokichan cho susanïn.

⁴ Nyi onkït nyo kawunyi ngokï, kaghan nyo gha ompö tawungu. Kïlenyona keghanyi man otini irwokinaninyi amelö kigheghchininyi ompö nyoni.

⁵ Ochan lelan kïngata otini kikïyiyanïn akyotïngetan ngokï kïngata omitan mu.

⁶ Imökenyi man ompö söpontönyan, nyïghita ngöghomnyengu sïkunötenyan.

⁷ Mwata ngokichan atotïlilitwan, wunante atorelitwan löpöt!

⁸ Nya olïmchan kegh ngörekyö nko turönöt, kïrkegh kökeraprapaninyi.

⁹ Wïngena konyiku ngokichan aingongoghta lelutköchan löwïr.

¹⁰ Konante mïkulögh nyo karam, we Tororöt, aitö orinyan mïkulögh nyo sis.

¹¹ Mewirtante olowitwan nko nyi amechengenante Mïkulöwungu nyo Tïlil.

¹² Yokwante ngat ngörekyo sörunötengu aikono mïkulögh nyo teröy ngaleku.

¹³ Atanetan nyu mwokïyis orengu atökïmïlonchö wölo imitenyi.

¹⁴ Sörwante ompö meghat, we Tororöt, Tororöt pö sörunötenyan, tumöy ngalyapunyan mantangu.

¹⁵ Yata kutinyan, we Echotyon, atamukan amwatïta salatengu.

¹⁶ Melö ighinyi amörostinö turönö amelö ingörökyinenyi ropöw nyo kötö okonunan.

¹⁷ Ropöwon nyo imökenyi, we Tororöt, kï mïkulögh nyo rïngate, melö itöghenyi mïkulögh nyo ipöy kegh ngwïny.

¹⁸ Ighchï nyo karam kanasyanta Sayon* aitek ngat nïyetwo Yerusalem,

¹⁹ atengörökyinönyi nyu ropöwo man nko amörostin cho kïpelöy, atökekonï eghin ompö ato kïpelo amöros. Ompö kintöghoghinto tum pö Daudi, otini kingwïn Doek nyo pö Edom wölo mi Saulö akïlenchï, “Kengwïn Daudi Aimelek.”