TUMWÖY 42 - PIPÏLIA

¹ Opïrchininyi, we Tororötïnyu, le korinya nyo pïrchini pögh.

² Omchinanïn maral Tororöt, maral nyo pö Tororöt nyo satate. Owetan oyï atotuyö nko nyinte?

³ Kalïkwï lok omisyenyan nyo omöy pöghet nko nangat. Kïmi pich kïtepanïn kïtenö osis lö, “Mi onö Tororötïngu nya?”

⁴ Wongu mïkulöwunyan ato ananan cho kakuwer, ato kyonomnyotan nko söpïchis, antöghoghchan kelïtöy Kö pö Tororöt* aketeghyotoy ompö ngörekyö nko tumwöyi kiyokyinogh pö sörö, akimi nyu pich ichon kwen!

⁵ Ompö ne tökïsilön söpontönyan le nyï? Kölö ne towongwan le nyï? Okönan Tororöt, osölan nyinte ngat. Sörunintenyan nyinte akï Tororötïnyan.

⁶ Kösilön mïkulöwunyan. Kïlenyona, ononinyi, ompö wölete le koro Yordan ompö kutïng pö Misar nyo mi Ermon.

⁷ Kakïwirenanïn puseryon kerikanïn puseryonta, kelumanïn nyarïlpa sitengu.

⁸ Porwanïn ECHOTYON chomnyenyi nyo pö kokay pöghet, atumchinan nyinte nangat, saghat nyo pö Tororöt pö söpontönyan.

⁹ Kyolenchan Tororöt nyo le köpönenyan, “Ompö ne tewutyeghenaninyi. Kölö ne tomitan rirat ompö pïro pungköchan?”

¹⁰ Le chepserkech nyo mi portönyan, kanyernyerenanïn pungköchan akïtepanïn lö, “Mi onö Tororötïngu nya?”

¹¹ Ompö ne tökïsilön söpontönyan le nyï? Kölö ne towongwan le nyï? Okönan Tororöt, osölan nyinte ngat. Sörunintenyan nyinte akï Tororötïnyan.