TUMWÖY 4 - PIPÏLIA

¹ Iterwante otini kasaghinyi, we Tororöt nyo ighwanïn man, kingarakaninyi otini kyotïngetan kömpölelyö. Syonchante ye aiter saghatenyan.

² Ne chï pikö, wonguno konyïtönyan arasï nko oyï? Ochömekwa kïgh nyo puryö kinyiwut arïp ngala putintön nko oyï?

³ Onkïtï lö kikïngot ECHOTYON pipö man kïlïkwï chechi. Lïmöy ECHOTYON otini okuran nyinte.

⁴ Omïghyenö atagh ngokï, anan ompö pöröyunekwo asisyö lasay.

⁵ Oropchinö ECHOTYON amörostin cho mököy, atwayta kegh nyinte.

⁶ Mwoghöy pich cho chang lö, “Ngo nyo porwecha kïgh nyo karam? Kïsoghichanyi, ECHOTYON lö, irosecha ompö kisyonötengu!”

⁷ Kenyïghitanyi mïkulöwunyan ngörekyö, kïtïl ngörekyengwa otini kotösisyö paghe nko dipay.*

⁸ Orïwan ompö pöghisyö, ompöwölo nyi onkït, we ECHOTYON, nyo ighanïn omöngisyan ompö kalya. Ompö kintöghoghinto tumï kïpöghisyegho pkurerun. Tum pö Daudi.