TUMWÖY 3 - PIPÏLIA

¹ Otïngetan pung cho chang, we ECHOTYON chang cho poryot nko ani!

² Ngölonenanïn chane lö, “Melö ngöroköy Tororöt nyinte.”

³ Wölo ichinyi longenyan, we ECHOTYON, kïtenö osis akï nyi nyo le ororyenyan ikilaninyi.

⁴ Orirchinan ECHOTYON tya, akïngitönwanïn nyinte ompö kutïngtanyi nyo tïlil.

⁵ Oghïteghonan ngwïny arï, angetan ngat ompöwölo komönanïn ECHOTYON.

⁶ Mowöghanye pich cho makïrar cho katat kegh kïporyeghenanïn woptin löwïr.

⁷ Ngeta, we ECHOTYON! Sörwante, Tororötïnyu! Ilïwenyi karenyakay pungköchan löwïr, imïreghenyi kela mwokïyis.

⁸ Pö ECHOTYON sörunötö. Nya kïtöpö kisoyönötengu nko piköku. Ompö kintöghoghinto tumï kïpöghisyeghö pïkan. Tum pö Daudi.