TUMWÖY 29 - PIPÏLIA

¹ Okonyïtö ECHOTYON pipö yïm, okonyïtö ororyenyi nko owesyenyi.

² Asala kaynata ECHOTYON nyo oror, asagha nyinte ompö sïro pö saghat.

³ Mi kuti ECHOTYON nanamtin, tïlöy Tororöt pö ororyö, akelïmo nanamtin cho echön.

⁴ Awes kuti ECHOTYON, wow kuti ECHOTYON.

⁵ Riyöy kuti ECHOTYON tarakit ompö chini le tarakitpa Lepanon.

⁶ Ighöy nyinte kutïngkoti Lepanon kwotyö le mogh, kwigh kutïng pö Ermon kwotyö le ngaryanta so.

⁷ Ighöy kuti ECHOTYON ilat kuryal.

⁸ Ighöy kutinyi surkwen kïpotan, ighöy nyinte surkwen pö Kades kïpotan.

⁹ Ighöy kutinyi ket cho echön kïpotonchö akïchururöy söko ket. Sölöy pich cho mi Konyi lö, “Töror ECHOTYON.”

¹⁰ Pöytoy ECHOTYON nanam kïmïkul, pöytoy nyinte kokay.

¹¹ Nya kutö ECHOTYON owesyö pikachi! Nya kusoyön chane kïnyorï pöghisyö. Tum nyo pö ngotata Kö pö Tororöt.* Tum pö Daudi.