TUMWÖY 28 - PIPÏLIA

¹ Okurinyi, we ECHOTYON nyo ichï köpönenyan. Mesisyanïn! Oköran kegh nko pich cho petöy ngwen ato itaghanyi wöghökunö.

² Iter riratenyan, otini osominyi kingörokut. Osyolan morichu kutöngwï Kongu nyo Tïlil.

³ Amerwokyante nko mwokïyis nko pich cho ighöy ngokï, pich cho ngölonöy nyo karam wölo ghach mutïnö.

⁴ Inyaril kong chane kïrïp kegh nko ighisyewutkökwa ompö ghöyityö nyo kigh chane. Ichop kong chane ompö ghöyityengwa. Ighokyï cho mïchini!

⁵ Möyongöcha ighisyewut pö ECHOTYON anta nyo kigh nyinte. Chopöy kong chane amökïsöpchotcha.

⁶ Nya kïsala ECHOTYON, ompöwölo kalïmwanïn riratenyu.

⁷ Owesyenyan ECHOTYON akï longenyan. Oghönan nyinte. Konanïn kingörokut akwighanïn oturön. Osölan nyinte ompö tumwöy.

⁸ ECHOTYON kï owesyeto pikachi, ghetöy akïsöru pöytoghin nyo le kïlanenyi.

⁹ Isörï piköku, we ECHOTYON, aisoyön pich löwïr cho le cheku. Ilïkwï mösöwontengwa aikaman chane kokay. Tum pö Daudi.