TUMWÖY 16 - PIPÏLIA

¹ Ripante, we Tororöt, ompöwölo nyi nyo oghïponan.

² Olenchinan ECHOTYON, “Ichinyi Echotyontenyan. Möminye köromnyö anka nyo otïngetan kïpoto nyengu.”

³ Pïchighöch lö ne pipö ECHOTYON cho ghönote! Ongörökyinan nyoman omitan nko chane.

⁴ Ipchini kegh nyarïl nyo wow pich cho ripöy tororötinö walaka. Momanye amörostinekwa anto okuran kutinyu kaynötutkökwa.

⁵ Nyi onkït, we ECHOTYON, nyo le mïlatenyan. Inyïghitenyi lalenyan kuwachta. Mi söpontönyan moriku.

⁶ Ongörökyinan kor nyo kekonaninyi karam mïlatenyan.

⁷ Osölan ECHOTYON, ompöwölo ntöghoghwanïn. Ngölonwanïn mïkulöwunyan oghö.

⁸ Ononan ECHOTYON osis löwïr. Mi nyinte ewunyan nyo pö tagh, kïlenyona möminye kïgh nyo timtimanïn.

⁹ Kïlenyona turönote mïkulöwunyan, omitan kalya lasiny,

¹⁰ ompöwölo mepïstonanïnyinye owan ngwen amelö ipïsinenyi chamanengu kïröytö pïrïm.

¹¹ Iporwaninyi or nyo wetöy söpon, inyïghitaninyi ngörekyö otini ichinyi lekït, konanïn ewungu nyo pö tagh turönöt kokay. Saghata Daudi.