TUMWÖY 15 - PIPÏLIA

¹ Ekï ngo nya, ECHOTYON, nyo mïchini kïtöpö kongu? Akï ngo nyo muköy kïmang kutïngtöngu nyo tïlil?

² Kïpoto nyinte nyo melö tïng kigheghchin ompö otöptanyi akwighöy man, nyo mwoghöy man ompö mïkulöwunyi.

³ Nyo melö mïröy putintön, anta ighchï kongenyi nyo gha anta cham pöröryenyi,

⁴ nyo sösöy nyinte nyo kikïpïstö Tororöt, wölo konyïtöy pich cho wöghöy ECHOTYON, chi nyo komönöy kiwalwalatenyi kïrkegh ketöni nyinte ngwonïn,

⁵ nyo pösöntoy ropïyenichi amelö ghoköy tösunön amöchömönye keropöy ato söwintönchini chi nyo puryö lelut. Chi anka tïkwïl nyo ighöy choni, kïmi ato tïghume kokay. Tum pö Daudi.