TUMWÖY 149 - PIPÏLIA

¹ Asala ECHOTYON! Otumchinö nyinte tum nyo tökïrel asalena nyinte tuyo pikachi cho ghönote!

² Nya kïngörekyö pipö Israel ompö Ighintengwa, oturonchenö pipö Sayon* ompö pöytoghintengwo!

³ Asala kaynatenyi ompö nyalat, otumchinö nyinte ompö kwïrkwïris nko pïkantis.

⁴ Yömöy ECHOTYON pikachi, töni rïntagh pich cho tölose.

⁵ Nya kïngörökyï pich cho ghönote ompö rïntaghtangwa akïtumö pöröyunekwa ompö ngörekyö.

⁶ Nya kïmwatïta sölut pö Tororöt cho echön akïtïng chokon ompö ewunekwa,

⁷ atökumï kutökyï ngwonïn pipö punton akuchop kong pich cho menkït Tororöt

⁸ akïrata sïrïmtin pöytoghikwa, kïrata kintöghoghikwa pörköyi karïn

⁹ akuchop kong pipö punton, kïrïp kegh nko kirwoko Tororöt. Nyete kï ororyeto pikachi. Asala ECHOTYON!