TUMWÖY 146 - PIPÏLIA

¹ Asala ECHOTYON! Sala ECHOTYON, we mïkulöwunyu!

² Osölan nyinte otini tosöpan, otumchinan Tororötïnyu otini tomungan.

³ Mokön pöytoghi ngwïny, ptangengmöt nyo mötïng kingörokut.

⁴ Mïlo nyinte otini karapas wölini kingwïna, wonyot nyu asisoni tötutkachi lömïs.

⁵ Ngarakate chi nyo nyorchini kingörokut Tororöt pö Yakopo akukönöy ECHOTYON Tororötïnyi,

⁶ nyo kigh yïm nko ngwïny nko nanam nko tïkwïn löwïr cho mi oringwa, nyinte nyo kitwoytoy kegh kokay.

⁷ Töni pich cho kireyöy mantangwa akïpagh chane cho amate kömöy. Tyoköy ECHOTYON pich cho rötote.

⁸ Ighöy ECHOTYON chepkarot kurosïta, ngetöy ECHOTYON cho kikupïtyö, chömöy nyinte pipö man.

⁹ Ripöy ECHOTYON pïnot akungöroköy mïsïktin nko pönon, wölo nyoröy tötut pö mwokïyis.

¹⁰ Pöytoy ECHOTYON kokay, pöytoy Tororötïngu kokay, we Sayon.* Asala ECHOTYON!