TUMWÖY 142 - PIPÏLIA

¹ Orirchinan ECHOTYON tökungarakanïn, osoghan nyinte ompö kiteghat.

² Opchinan nyinte kömpölelutköchan, omwochinan nyörilwokachu.

³ Nkït nyinte kïgh nyo mïchini aghan otini karich kïmeghanïn mu. Wïnchini pungköchan ngöghöp arenyan.

⁴ Ato olan aros kamasunyan, asïwan lö puryö chi nyo ngörokanïn, möminye wölo orïpchinan melö mi chi nyo yongöy söpontönyan.

⁵ Orirchininyi, we ECHOTYON, ichinyi wölo orïpchinan, kaplawachtanyan ompö ngwïnyinï.

⁶ Terwante riratenyu, ompöwölo omitan tangany nyoman. Sörwante achïwïta punkachu, ompöwölo owesöch tya kïtïlanïn.

⁷ Tyakante achïwïta nyarïl, atasalan kaynatengu, atökuwitanïn pipö man, keporwaninyi köromnyengu. Tum pö Daudi.