TUMWÖY 141 - PIPÏLIA

¹ Okurinyi, we ECHOTYON, nyonö lawel! Terwante otini okurinyi.

² Nya kïlïkwï saghatenyan tïkwïn cho ngutoy cho onyïn ompö nyi, akïkarkegh ewunechan cho osyolan parak nko amöros nyo pö nangat.

³ Ripo kut, we ECHOTYON, aitö ripin kukaman ngalyapunyan.

⁴ Mepïsyï mïkulöwunyan kïrulchï wölo mi ghöyityö, atömaghan ngokï atuyö kegh nko mwokïyis amepïsyante am ichontinekwa.

⁵ Nya kïchilanïn chi pö man, akungarakanïn chi nyo ghanate, kïtïl kuyil mötïnyan mwokïyis cho osoghchinan kïtenö osis lö töpïstö ngokikwa.

⁶ Nkïtu nyu pich lö man ngalechan, otini kakityartegha pöytoghikwa renker.

⁷ Kïköreröy koyekwa aketoyö ompö kuti ngwen le kwen cho kïköreröy akenïkanïk.

⁸ Wölo orosinyi, we Echotyon TOTORÖT, orïpchininyi, mepïstö söpontönyan.

⁹ Iripante atachïwïtan ngöghöptin cho köwïnchï tawunyan nko matankïlayi mwokïyis.

¹⁰ Nya kïchïnchï chane ptïnchïlayikwa achïwïtan ante onkït. Tum pö Daudi, ato kimi köpön. Saghat.