TUMWÖY 138 - PIPÏLIA

¹ Oyokunyi sörö, we ECHOTYON, ompö mïkulöwunyan kïmïkul, osöleninyi tawu tororötin.

² Okïtïngan otopönöy Kongu nyo tïlil, oyokunyi sörö ompö chomnyengu nyo pö kokay nko ompöwölo ichinyi nyo ghanate. Ompöwölo kepïlilanyi kïtïl tïkwïn löwïr, kaynengu nko ngölyontengu.

³ Kimölyöngwaninyi atakinye kyarirunyi, kichïchïmanyi ompö owesyengu.

⁴ Sölinyi pöytoghi ngwïny kïmïkul, we ECHOTYON, ompöwölo kalïm chane ngaleku.

⁵ Tumöy chane ompö tïkwïn cho kighanyi, ompöwölo wow ororyengu.

⁶ Kïrkegh kemitenyi parak irosenyi cho tölose, wölo itopönchinenyi menot wölo low.

⁷ Ato witanïn kömpölelut, imitenyi iripanïn. Iripenaninyi köromnyeto pungköchan aisörunenanïn owesyengu.

⁸ Ighwaninyi kïgh anka tïkwïl ompö machatengu, pö chomnyengu kokay, we ECHOTYON. Mewutyeghö ighisyewutko moriku. Ompö kintöghoghinto tumï. Tum pö Daudi.